NATO Rusiyanın hərbi təlimləri dayandırmaq xahişini rədd etdi

Rusiya və NATO koronavirus pandemiyası zamanı hərbi təlimlərin dayandırılması barədə razılığa gələ bilməyib.

"İnterPosta" bildirir ki, bu haqda "Kommersant" qəzeti xəbər verib. Xəbərə görə, əvvəlcə xarici işlər naziri Sergey Lavrov Brüsselə təlimlərdən imtina etməyi təklif edən bir məktub göndərib. O qeyd edib ki, təlimlərdən imtina edilməsi münasibətləri düzəldə bilər. Daha sonra NATO baş katibi Yens Stoltenberqdən cavab gəlib.

Stoltenberq Lavrova NATO-nun Şərqi Avropadakı fəaliyyətinin müdafiə xarakterli olduğunu bildirib. Bunun da Rusiyanın artan fəallığı ilə əlaqəli olduğu iddia edilir. Kommersant qeyd edir ki, Moskva, əksinə, sərhədlər yaxınlığında birtərəfli şəkildə aktivliyi azaldığını elan edib.

Xarici İşlər Nazirinin müavini Sergey Ryabkov Stoltenberqin cavabının Rusiyanı məyus etdiyini bildirib. NATO-nun cavabında Alyansın "durğun mövqeləri" göz qabağındadır. "Kommersant"a verdiyi müsahibədə NATO sözçüsü Oana Lunjesku mediaya açıqlamasında mövqeyini təsdiqləyib - Qərb alyansının artan fəallığı Rusiyanın Baltik bölgəsindəki mövqeyinin güclənməsi ilə əlaqədardır.

Xatırladaq ki, NATO Polşada və Baltikyanı ölkələrdə 5 iyun tarixində başlayacaq "Avropanın Müdafiəçisi 2020" təlimlərini ləğv etməkdən imtina edib. Əvəzində əvvəlcə SSRİ-nin dağılmasından bəri ən böyük olması nəzərdə tutulan təlimlər kəsilmiş formatda keçiriləcək./qaynarinfo/

İnterPosta.info