Interposta.Info

Türkiyə şokda- Daha bir ailə intihar etdi

Dünya
 15-11-2019, 16:00     10 275

Türkiyədə daha bir ailə sianid maddəsinin qurbanı olub.

“Qafqazinfo”nun Türkiyə mətbuatına istinadən verdiyi xəbərə görə, İstanbulun Bakırköy rayonunda 1-i uşaq olmaqla 3 nəfər evdə ölü şəkildə tapılıb. Ölənlərin ər-arvad Zübeyde Delenlə (38 yaş) Bahattin Delen (38 yaş) və oğulları Ali (6 yaş) olduğu məlum olub.

Hadisə yerinə gələn tibb işçiləri ailənin sianid adlı zəhərli maddəni içərək öldüklərini müəyyənləşdiriblər.

Polis əməkdaşları xüsusi geyimlərlə binanı və ətraf bölgəni yoxlamağa başlayıblar. Həmin binada zəhərli maddənin olub- olmadığını müəyyənləşdirmək üçün Afyonkarahisar Kimyəvi Bioloji Radioloji Nüvə Təhdidləri bölməsinin əməkdaşları hadisə yerinə dəvət ediliblər. Bina sakinləri təxliyyə edilib, küçədə hərəkət məhdudlaşdırılıb.

Qeyd edək ki, noyabr ayı ərzində Türkiyədə iki ailə sianid içərək canlarına qəsd edib. Bunlar eyni anda intihar edən 4 bacı-qardaş və daha bir 4 nəfərlik (ata, ana və iki uşaq) ailədir.

İnterPosta.info

Türkiyə şokda- Daha bir ailə intihar etdi
Türkiyə şokda- Daha bir ailə intihar etdi
Türkiyə şokda- Daha bir ailə intihar etdi

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26