Interposta.Info

Puçdemon Belçika polisinə təslim olub

Dünya
 5-11-2017, 19:16     8 707

Brüsseldə olan Kataloniyanın sabiq rəhbəri Karles Puçdemon və Kataloniya hökumətinin 4 sabiq üzvü saxlanılıb.

APA-nın “RİA Novosti” agentliyinə istinadən verdiyi məlumata görə, bunu bu gün jurnalistlərə açıqlamasında Belçika Federal Prokurorluğunun nümayəndəsi məlumat verib.

K. Puçdemon və 4 tərəfdarı bu gün səhər saatlarında polisə təslim olub. Onlar 24 saat azadlıqdan məhrum ediliblər.

***
Kataloniyanın sabiq rəhbəri Karles Puçdemonun Belçika polisinə təslim olduğu təsdiqlənib.

APA-nın TASS agentliyinə istinadən verdiyi məlumata görə, bu barədə Brüssel Prokurorluğu məlumat yayıb.

Brüssel Prokurorluğu məhkəmənin 24 saat ərzində K. Puçdemonun həbsi barədə qərar qəbul edəcəyini də açıqlayıb.

***

Hazırda Brüsseldə olan Kataloniyanın sabiq rəhbəri Karles Puçdemon Belçika polisinə təslim olub.

APA-nın məlumatına görə, bu barədə Belçikanın VRT telekanalı prokurorluqdakı mənbəyə istinadən məlumat yayıb.

***

Hazırda Brüsseldə olan Kataloniyanın sabiq rəhbəri Karles Puçdemon və regional hökumətin dörd sabiq üzvü yaxın saatlarda saxlanacaq.

APA-nın məlumatına görə, bu barədə “Europa Press” agentliyi Belçika Prokurorluğundakı mənbəyə istinadən məlumat yayıb.

K. Puçdemon və regional hökumətin dörd sabiq üzvü hakim qarşısına çıxarılacaq.

Bundan öncə dünən Belçika hakimiyyəti K. Puçdemon və onun tərəfdarlarının həbsi barədə İspaniya hökumətindən alınmış orderin araşdırıldığını təsdiqləyib. K. Puçdemonun vəkilləri müdafiə etdikləri şəxsin İspaniyaya verilməməsi üçün şikayət edəcəklərini bildiriblər.

Qeyd edək ki, oktyabrın 27-də Kataloniya parlamenti regionun müstəqilliyi barədə qətnamə qəbul edib. 135 deputatdan 70-i qətnamənin lehinə səs verib. Bir saatdan sonra isə İspaniya Senatı Konstitusiyanın 155-ci maddəsinin tətbiqi barədə qərar qəbul edib. Nəticədə Kataloniya hökuməti və parlamenti buraxılıb, regiona müvəqqəti rəhbər təyin olunub.

İspaniya Milli Məhkəmə Palatası Kataloniyanın sabiq rəhbəri K. Puçdemonun həbsinə Avropa orderi verib. Hazırda Kataloniyanın sabiq rəhbəri Belçikadadır. Avropa qanunlarına uyğun olaraq, Avropa orderi verildikdən sonra Belçika polisi K.Puçdemonu həbs etməlidir.

interposta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26