Interposta.Info

Azərbaycan XİN Vaşinqtonda üçtərəfli görüşün keçiriləcəyini təsdiqləyib - YENİLƏNİB

Siyasət
 3-11-2022, 18:13     707

"Yaxın günlərdə Vaşinqton şəhərində Amerika Birləşmiş Ştatları dövlət katibi Entoni Blinkenin təşəbbüsü və iştirakı ilə Azərbaycanın xarici işlər naziri Ceyhun Bayramov və Ermənistanın xarici işlər naziri Ararat Mirzoyan arasında görüşün keçirilməsi planlaşdırılır".

"Report"un xəbərinə görə, bu barədə Xarici İşlər Nazirliyinin Mətbuat xidməti idarəsinin rəisi Ayxan Hacızadə bildirib.

Onun sözlərinə görə, Azərbaycan tərəfinin bu kimi görüşlərin keçirilməsi ilə əlaqədar açıqlamanın verilməsinə dair yanaşması ondan ibarətdir ki, bu barədə ilk elan bir qayda olaraq görüşə ev sahibliyi edən ölkə tərəfindən verilməlidir.

Qeyd edək ki, bu gün Ermənistan xarici işlər naziri Ararat Mirzoyan parlamentdə çıxışı zamanı yaxın günlərdə Vaşinqton şəhərində Azərbaycan xarici işlər naziri Ceyhun Bayramov və Amerika Birləşmiş Ştatlarının dövlət katibi Entoni Blinken ilə üçtərəfli görüşün keçiriləcəyini bildirib.

16:00

Ermənistanın xarici işlər naziri Ararat Mirzoyan bir neçə gündən sonra ABŞ-nin Vaşinqton şəhərinə getməyi planlaşdırır. Orada onun azərbaycanlı həmkarı Ceyhun Bayramov və ABŞ dövlət katibi Antoni Blinkenlə görüşü gözlənilir.

Bu barədə A.Mirzoyan Ermənistan parlamentində çıxışında bildirib:

“Bir neçə gündən sonra mən Vaşinqtona gedəcəyəm, orada cənab Bayramov və cənab Blinkenlə görüş olacaq”./TASS

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26