Interposta.Info

Ermənilər panikada: "Azərbaycan və Ermənistan arasında iki yeni sənəd imzalanacaq"

Siyasət / Manşet
 23-10-2021, 13:25     571

Düşmən mediası: "Artsax dəfn edilir"

"Noyabrın 9-da Moskvada Ermənistan və Azərbaycan arasında iki yeni sənəd imzalanacaq".

"İnterPosta" xəbər verir ki, bu barədə Ermənistan media quruluşları məlumat yayıb.

Məlumatda qeyd edilir ki, son anda fors-major vəziyyət yaranmasa, Vladimir Putinin vasitəçiliyi və iştirakı ilə demək olar ki, yekun olan iki sənəd Nikol Paşinyan və İlham Əliyev tərəfindən imzalanacaq.

Birinci sənəd Ermənistanla Azərbaycan arasında dövlət sərhədinin demarkasiyası və delimitasiyasına aiddir.

Bu sənədə əsasən, SSRİ Müdafiə Nazirliyinin Baş Qərargahının 1920-ci illər xəritələri əsasında İrəvan və Bakı bir-birinin sərhədlərini və ərazi bütövlüyünü tanıyacaq.

Məlumatda daha sonra vurğulanır ki, Ermənistan, Rusiya və Azərbaycan Baş nazirlərin müavinləri səviyyəsində bu yaxınlarda keçirilmiş görüşün nəticəsində demək olar ki, yekun razılığın əldə edildiyi ikinci sənəd isə regionda kommunikasiyaların açılmasına, xüsusən də “koridor - yolların" qurulmasına, o cümlədən Azərbaycan və Naxçıvan arasında dəhlizin açılmasına aiddir.

Ermənistana və Qarabağdakı qanunsuz rejimə aid media quruluşları iddia edirlər ki, bu məlumatlar ciddi və etibarlı diplomatik mənbələrdən alınıb. Xəbərdə həmçinin qeyd edilib ki, əgər yazılanların hamısı doğru çıxsa, o zaman Ermənistan hakimiyyəti nəhayət ki, "Artsax xalqının" öz müqəddəratını təyinetmə və iradə ifadəsini dəfn edəcək, yəni "Artsax" mövcudluğunu dayandıracaq./musavat.com

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26