Interposta.Info

İlham Əliyev: 2019 danışıqlar prosesində itirilmiş il oldu

Siyasət / Paradoks
 30-12-2019, 19:46     472

Azərbaycan Prezidenti İlham Əliyev Rusiyanın “Rossiya 24” telekanalına müsahibəsi zamanı 2019-cu ili Ermənistan-Azərbaycan Dağlıq Qarabağ münaqişəsinin tənzimlənməsi baxımından itirilmiş il adlandırıb...

“Bu il münaqişənin tənzimlənməsi üçün itirilmiş il oldu. Bunun səbəbi Ermənistan tərəfinin tutarsız, ziddiyyətli və anlaşılmaz mövqeyidir”, - deyə ölkə başçısı bildirib.

İlham Əliyev qeyd edib ki, Ermənistanın Baş naziri əvvəlcə Dağlıq Qarabağın guya müstəqil dövlət olduğunu və Azərbaycanın danışıqları onunla aparmalı olduğunu açıqlayıb.

“Bu danışıqlar prosesini pozmaq cəhdi idi, - nə biz, nə də həmsədrlər bununla razılaşa bilməzdi. ATƏT-in Minsk Qrupunun həmsədrləri də bu mövzuda bəyanat verdilər, məndə olan məlumata görə, onlar Ermənistan rəhbərliyinə ciddi təsir ediblər”, - Azərbaycan Prezidenti qeyd edib.

Azərbaycan Prezidenti əlavə edib ki, bunun ardınca Ermənistanın Baş naziri “Dağlıq Qarabağ – Ermənistandır və nöqtə” bəyanatını verib.

“Beləliklə, elə çıxır ki, onlar özləri Dağlıq Qarabağın nə olduğunu bilmirlər. Əgər elədirsə, o zaman biz mənim oktyabrda Soçidə “Valday” klubunda etdiyim kimi izah edə bilərik. Dağlıq Qarabağ – Azərbaycanın ayrılmaz tərkib hissəsidir və bu həqiqətdir. Qarabağ münaqişəsi Azərbaycanın ərazi bütövlüyü çərçivəsində həll edilməlidir. Ermənistan rəhbərliyi bu sadə həqiqəti anlayan kimi, biz danışıqlarda irəliləyiş edə bilərik”, - deyə İlham Əliyev vurğulayıb.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26