Bayram namazının vaxtı açıqlandı
“Bayram namazında iştirak etmək istəyənlər səhər saat 9 radələrində məsciddə olsunlar”.
Bu sözləri Oxu.Az-a açıqlamasında Qafqaz Müsəlmanları İdarəsinin sədr müavini Fuad Nurullayev deyib.
Onun sözlərinə görə, QMİ-nin bununla bağlı əmri yoxdur:
“Namazın hansı vaxtda qılınacağı məscidlərin ixtiyarındadır. Bayram namazı saat 9, 09:30, 10 radələrində qılına bilər. Lakin məscidlər əhaliyə saat 09:00-da qılınacağını elan ediblər. Qafqaz Müsəlmanlar İdarəsi əmr yox, tövsiyə verir".
F.Nurullayev qeyd edib ki, QMİ-nin fətvasında da namazın vaxtı ilə bağlı qərar yoxdur:
“Qafqaz Müsəlmanları İdarəsinin fətvasında göstərilib ki, bütün məscidlərdə namaz qılınacaq. Məscid rəhbərlikləri vaxtı saat 09:00 elan ediblər. Əhali yığılandan sonra müəyyən edəcəklər. Namazda iştirak etmək istəyənlər saat 9 radələrində məsciddə olsunlar”.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
