Interposta.Info

Bülbülə gölünün ətrafı bulvar salınması üçün təmizləndi

Ölkə
 26-04-2023, 17:18     195


Bakıda Bülbülə gölünün ətrafı zibil və qamışlardan təmizlənib.

Bu barədə “Trend”in sorğusuna cavab olaraq “Bakı Abadlıq Xidməti” MMC-dən bildiriblər.

Qeyd olunub ki, əvvəl gölün ətrafını zibilləyirdilər. Hazırda gölə və gölün ətrafına müdaxilə olunmasın deyə ərazidə mühafizə xidmət göstərir.
“Bülbülə gölünün ətrafında yaşıl istirahət zonasının salınması nəzərdə tutulub. Müəyyən işlər tam başa çatandan sonra Bülbülə gölünün ətrafında salınacaq bulvarın layihəsi təqdim olunacaq. Təsdiq olunarsa, gölün ətrafında kafelər, gəzinti, velosiped, skuterlər üçün yol salınması planlaşdırılır”, - deyə qurumdan qeyd edilib.

Qeyd edək ki, göl Abşeron yarımadasının mərkəzində, Suraxanı rayonunun Bülbülə qəsəbəsində yerləşir.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26