Interposta.Info

Azərbaycan Ermənistanın xüsusi xidmət orqanlarını necə ələ saldı? (VİDEO)

Ölkə
 25-03-2023, 10:28     145

REAL TV "La Vira – məxfi menyu” adlı sənədli film çəkib.

"İnterPosta"xəbər verir ki, martın 28-də REAL TV-də nümayiş olunacaq bu filmdə Azərbaycan xüsusi xidmət orqanlarının məxfi əməliyyatından bəhs edilir. Həmin əməliyyat 44 günlük Vətən müharibəsində qazanılmış Qələbədə özünəməxsus rol oynayıb.

Filmin anonsunda qeyd edildiyi kimi, xüsusi xidmət orqanlarının əməkdaşlarını hamı hər yerdə gözləyir. Amma onlar həmişə gözlənilməzdir. Onlar gözəgörünməzdir, ancaq hamının gözü qabağındadırlar.

Sənədli filmdə 2019-cu ilin mart ayından Ermənistan xüsusi xidmət orqanlarının başına bəla kimi gətirilən hadisədən söz açılır: Azərbaycan Dövlət Təhlükəsizliyi Xidmətinin Ermənistan xüsusi xidmət orqanlarını necə ələ salmasından bəhs edilir. "La Vira” italyan mətbəxinə aid təamdır. Tamaşaçı filmdə Azərbaycan DTX-nin Ermənistan məxfi xidmət əməkdaşlarına bu təamı necə "həzm etdirməsi” ilə tanış olacaq.
Filmdə bu nadir əməliyyat barədə tamaşaçılara unikal arxiv materialları əsasında ətraflı məlumat verilir. Məhz buna görə də tamaşaçıların filmə böyük maraqla baxacağını əminliklə söyləmək olar.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26