Interposta.Info

90 yaşlı anasına işgəncə verən kişi və arvadı polisə çağırıldılar - YENİLƏNİB + VİDEO

Ölkə
 23-09-2022, 15:08     332


Daxili İşlər Nazirliyi 90 yaşlı qadına oğlu və gəlini tərəfindən işgəncə verilməsi ilə bağlı yeni açıqlama verib.

Daxili İşlər Nazirliyinin Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev bununla bağlı Oxu.Az-a danışıb.

O bildirib ki, görüntülər 6-7 ay əvvəl çəkilib:

“Hazırda yaşlı qadın Naxçıvanda qızının yanında yaşayır”.

E.Hacıyev əlavə edib ki, qadının oğlu və gəlini polis bölməsinə dəvət olunub:

“Görüntülər ailədə münasibətlər pozulduğu üçün indi yayılıb. Hazırda aidiyyəti üzrə polis orqanlarında araşdırma davam edir”

13:21

Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyi oğlu və gəlinin işgəncə verdiyi 90 yaşlı qadınla bağlı hərəkətə keçib.

Bu barədə Oxu.Az-a qurumun İctimaiyyətlə Əlaqələr Şöbəsinin müdiri Murad Həşimov məlumat verib.

O, aidiyyəti üzrə əməkdaşların yönləndirildiyini və araşdırmanın başladıldığını bildirib.

12:12

Bakıda 90 yaşlı qadına oğlu və gəlini tərəfindən işgəncə verilməsi məsələsi ilə bağlı araşdırma başladılıb.

Bu barədə Oxu.Az-a Daxili İşlər Nazirliyindən məlumat verilib.

12:00

90 yaşlı qadın oğlu və gəlini tərəfindən işgəncələrə məruz qalır.

Oxu.Az xəbər verir ki, bu barədə sosial şəbəkələrdə video yayılıb.

Yaşlı qadının Buzovna qəsəbəsində qaldığı iddia olunur. Adının Şərabanu, oğlunun adının isə Əkrəm olduğu deyilir.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26