Zaxarova Varşavada Rusiya səfirinə edilən hücuma münasibət bildirib
Neonasizmin pərəstişkarları bir daha üzünü göstərdilər, o qanlıdır.
APA-nın Moskva müxbiri xəbər verir ki, bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova “Telegram” kanalında Varşavada Rusiya səfirinə edilən hücuma münasibət bildirərkən yazıb.
“İkinci Dünya müharibəsi qəhrəmanlarının abidələrinin sökülməsi, məzarların təhqir olunması, indi isə hər bir ləyaqətli insan üçün müqəddəs bir gündə gülqoyma mərasiminin pozulması Qərbin faşizmin reinkarnasiyası kursunu tutduğunun artıq göz qabağında olduğunu sübut edir. Amma dediyim kimi, bizi qorxutmaq olmaz. Bu, Avropa sakinləri üçün güzgüdəki öz əksindən qorxulu olmalıdır”, - Rusiya XİN sözçüsü vurğulayıb.
Qeyd edək ki, bu gün Varşavada sovet əsgərlərinin qəbiristanlığında əklil qoyulması zamanı Rusiyanın Polşadakı səfiri Sergey Andreyevə və onu müşayiət edən rus diplomatlara üzərinə qırmızı boya töküblər.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
