Nazir fotosu yayılan direktoru işdən çıxardı
Ekologiya və Təbii Sərvətlər naziri Muxtar Babayev Masallı Regional Meşə Təsərrüfatı Mərkəzinin direktoru Adəm İsmiyev işdən azad olunub.
Bu barədə Qaynarinfo-nun sorğusuna cavab olaraq Ekologiya və Təbii Sərvətlər Nazirliyinin mətbuat katibi İradə İbrahimova bildirib.
Mərkəzin direktor müavini Sakit Şahmarov barəsində isə inzibati tənbeh tədbiri görülərək, sonuncu xəbərdarlıqla şiddətli töhmət verilib.
İradə İbrahimova qeyd edib ki, eyni zamanda hər iki şəxs İnzibati Xətalar Məcəlləsinin 272.3 maddəsi ilə cərimə ediliblər.
Qeyd edək ki, Adəm İsmiyev və Sakit Şahmarovun qalmaqallı görüntüləri yayılıb. Bundan sonra Daxili İşlər Nazirliyi araşdırmalara başlayıb. Daxili İşlər Nazirliyinin yaydığı məlumata görə, Masallı Regional Meşə Təsərrüfatı Mərkəzinin direktoru Adəm İsmiyev 12 kalibrli "Huğlu Renova”, həmin mərkəzin direktor müavini Sakit Şahmarov isə "Sayqa 410” markalı ov tüfəngləri ilə Cəlilabad rayonunun Sadatlı kəndi ərazisində yerləşən meşə dolayında fotoşəkillər çəkdirərək sosial şəbəkələrdə paylaşıblar. Bu, sosial şəbəkələrdə ciddi müzakirələrə səbəb olub. Hazırda faktla bağlı Masallı Rayon Polis Şöbəsində müvafiq araşdırma aparılır.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
