Vətən müharibəsi qazisi vəzifəyə təyin edildi
Vətən müharibəsi qazisi vəzifəyə təyin edildi
Biləsuvar rayon İcra Hakimiyyətində Vətən müharibəsi qazisi vəzifəyə təyin edilib.
"İnterPosta" "Report”a istinadən xəbər verir ki, rayon icra başçısı Faiq Qürbətov bununla bağlı sərəncam imzalayıb.
Müvafiq sərəncamla Əmrah Akif oğlu Kazımlı icra aparatında Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi təyin edilib.
Qeyd edək ki, Biləsuvar şəhərində anadan olan əsgər Kazımlı Əmrah Akif oğlu müharibənin ilk günlərindən torpaqlarımızın azad olunması uğrunda gedən Vətən müharibəsinə qoşulub. O, Füzuli və Cəbrayıl istiqamətində gedən döyüşlərdə yaralanıb. Müalicəsini tamamladıqdan sonra Xocavənd və Şuşanın işğaldan azad edilməsi uğrunda gedən döyüşlərdə fəal iştirak edib. Əmrah Kazımlı Azərbaycan Respublikası ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarını və texnikasını məhv etməklə qoşunlarımızın döyüş qabiliyyətinin qorunub saxlanılmasında fərqləndiyinə görə Azərbaycan Respublikası Prezidentinin Sərəncamı ilə "Cəsur döyüşçü” medalı ilə təltif edilib.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
