Azərbaycanda sahibkar intihar etdi (FOTO)
Göyçay rayon sakini özünü öldürüb.
"İnterPosta" -nun APA-ya istinadən xəbərinə görə, Göyçay şəhərində yaşayan, 1983-cü il təvəllüdlü Abdullayev Fəqan Etibar oğlu sirkə turşusu içib.
O, zəhərlənmə diaqnozu ilə təcili olaraq Göyçay Rayon Mərkəzi Xəstəxanasına çatdırılıb.
F.Abdullayevin vəziyyəti sonradan ağırlaşdığı üçün ailə üzvləri onu müalicə məqsədilə Bakı şəhərinə - Respublika Toksikologiya Mərkəzinə aparıblar.
Həkimlərin bütün səylərinə baxmayaraq, F.Abdullayev ölüb. Onun hansı səbəbdən özünə qəsd etməsi hələlik məlum deyil.
Qeyd edək ki, rayonda sahibkarlıq fəaliyyəti ilə məşğul olan Fəqan Abdullayev "Göyçay-Çörək” ASC-yə rəhbərlik edirdi.
Faktla bağlı Göyçay Rayon Prokurorluğu tərəfindən araşdırma aparılır.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
