Şad xəbər: Etibarnamə almaq asanlaşdı
Noyabrın 22 -dən etibarən mobil etibarnamə istifadəyə veriləcək.
"İnterPosta.info" xəbər verir ki, bu barədə məlumatı 22 noyabr- ədliyyə işçilərinin peşə bayramı günü ərəfəsində Ədliyyə Nazirliyinin təşkilatçılığı ilə Bakı Konqres Mərkəzində “Ədliyyə sahəsində rəqəmsal transformasiya və innovasiyalar” mövzusunda ictimai təqdimatda çıxış edən nazirliyin İKT idarəsinin rəisi Ağakərim Səmədzadə deyib.
O bildirib ki, vətəndaşlar mobil telefon vasitəsi ilə nəqliyyat vasitəsinə aid etibarnaməni verə biləcəklər:
"Sistem çox sadədir. Mobil tətbiqə daxil olaraq etibar etdiyiniz nəqliyyat vasitəsini seçirsiniz, etibar etdiyiniz şəxs barədə məlumatı qeyd edirsiniz və etibarlıq müddətini seçirsiniz. Daha sonra isə ödənişi edərək 5 dəqiqə ərzində siz istədiyiniz şəxsə etibarnamə verə bilərsiniz"./axar.az
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
