Metronun "Koroğlu" stansiyasının qarşısında avtomobil piyadanı vuraraq öldürüb - FOTO - VİDEO
Metronun "Koroğlu" stansiyasının qarşısında avtomobillə vurulan piyadanın şəxsiyyəti müəyyənləşib.
APA-nın məlumatına görə, araşdırmalar nəticəsində ölən piyadanın Bakı sakini, 1961-ci il təvəllüdlü Perarin Mübariz Ağakişi oğlu olduğu müəyyən edilib.
***
Bakının Nizami rayonunda piyadanın ölümü ilə nəticələnən yol qəzası baş verib.
APA xəbər verir ki, hadisə Heydər Əliyev prospektində, metronun "Koroğlu" stansiyasının yaxınlığında qeydə alınıb.
Taksi fəaliyyəti ikə məşğul olan Samir adlı sürücü idarə etdiyi "Ravon" markalı avtomobillə prospektin yüksək sürətli hərəkət zolağı ilə gedərkən qarşısına qəfildən piyada - təxminən 50-55 yaşlı kişi çıxıb. Bu zaman avtomobil piyadanı vurub. Yaralı ağır vəziyyətdə xəstəxanaya çatdırılsa da, həyatını xilas etmək mümkün olmayıb.
Əraziyə Nizami Rayon Polis İdarəsinin və DYP-nin əməkdaşları cəlb edilib. Piyadanın şəxsiyyəti dəqiqləşdirilir.
Faktla bağlı araşdırma aparılır.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
