Bakıda bir gündə məhv olan ailə (FOTO)
Bakı şəhərinin Sabunçu rayonunun Ramana qəsəbəsində yerləşən evdə ana və 3 körpə övladının dəm qazından zəhərlənərək ölməsi hadisəsi ilə bağlı bəzi məqamlar üzə çıxıb.
İnterPosta.info publika.az-a istinadən xəbər verir ki, ev sahibi, Neftçala rayon Xolqaraqaşlı kənd sakini Əsədulla Əsgərov Bakıda şirkətlərdən birində mühafizəçi işləyib. O, yanvarın 25-də gecə növbəsində işdə olub və səhər saatlarında evə gələndə həyat yoldaşı 26 yaşlı Elmira Əsgərova ilə övladları – 5 yaşlı Əli, 3 yaşlı Fatimə və 1 yaş 6 aylıq yaşlı Zeynəbin dəm qazından zəhərlənərək vəfat etdiyini görüb.
Ə.Əsgərov bildirib ki, həyat yoldaşı kiçik qızı Zeynəblə xilas olmağa çalışsa da, yerə yıxılıb və onları döşəmədə, digər iki uşağı isə çarpayıda ölmüş vəziyyətdə tapıb.
Vəfat edən ana və övladları Xolqaraqaşlı kəndində yanaşı dəfn edilib.
Faktla bağlı Sabunçu rayon prokurorluğunda araşdırma aparılır.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
