ABŞ-da polisin sürücünü güllələməsi kameraya düşdü - VİDEO
Həftəsonu ABŞ-ın Nevada ştatının Uest Venouer şəhərində baş verən silahlı insidentin görüntüsü yayılıb. Polis əməkdaşları şübhəli şəxsin idarə etdiyi avtomobili təqib etdikdən sonra atəş açaraq onu insanların gözü qarşısında qətlə yetirib.
İnsidentin görüntüsü “Liveleak” videoportalında yayımlanıb.
Öldürülən şəxsin Yuta ştatının sakini, 41 yaşlı Ceyms N.Robertson olduğu müəyyən edilib.
Polis idarəsinin yaydığı rəsmi bəyanata əsasən, yol hərəkəti qaydalarını pozan həmin şəxs polisin “dayan” əmrinə məhəl qoymayıb. Qısa sürən təqibdən sonra onun idarə etdiyi boz pikap yanacaqdoldurma məntəqəsi yaxınlığında polis avtomobili ilə toqquşub.
Avtomobildən enib aradan çıxmağa çalışsa da, polis əməkdaşları ona silah tuşlayıb. Sürücü üzərində olan bıçaqla polisə yaxınlaşmaq istəyərkən, zabitlərdən biri tapançadan atəş açaraq, sürücünü ölümcül yaralayıb.
Şübhəlinin təcili tibbi yardım gələnə qədər keçindiyi bildirilir./oxu.az
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
