Qardaşı qızını 5-ci mərtəbədən yerə atdı...- VİDEO
Hadisə Türkiyənin Kırıkkale adlı bölgəsində baş verib. Əqli geriliyi olan qadın qardaşının qızını yaşadıqları evin balkonundan yerə atıb.
Musavat.com xəbər verir ki, 2 yaşlı Zümra İşıq ağır bədən xəsarəti alıb. 5-ci mərtəbədən düşərkən betona çırpılması nəticəsində bədənin müxtəlif hissələrində sınıqlar olsa da, həkimlərin səyi nəticəsində vəziyyəti sürətlə yaxşılaşır.
Zümranın atası Murad İşıq yaşadığı sevinci bu sözlərlə ifadə edib: "Tanrıya sonsuz təşəkkürümü bildirirəm. Biz qızımın əzmi sayəsində yenidən xoşbəxtliyimizə qovuşduq. Həkimlərimizə də çox təşəkkür edirəm. İnsanlara isə övladlarını daim nəzarətdə saxlamalarını tövsiyyə edərdim".
Hadisəni törədən 20 yaşlı S.E isə İstanbul Bakırköy Ruh və Sinir xəstəlikləri dispanserində müalicə almağa göndərilib.
Bacısının da tezliklər sağalıb ailəsinə dönməsini arzulayan Murad İşıq: "biz əminik ki, bacım bunu qəsdən etməyib. Və indi ən böyük arzum bacımın tezliklə sağalıb yanımıza dönməsidir" –deyə bildirdi.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
