Ağcabədidə baş verən yol qəzasında
Ağcabədi rayonunda baş vermiş yol-nəqliyyat hadisəsi zamanı 1 nəfər ölüb, 2 nəfər yaralanıb.
APA-nın yerli müxbirinin xəbərinə görə, hadisə Bəhramtəpə-Mingəçevir yolunda qeydə alınıb. Hərəkətdə olan “Mercedes” markalı yük maşını qarşıdan gələn 1950-ci il təvəllüdlü Quliyev Əli Zaman oğlunun idarə etdiyi VAZ markalı avtomobillə toqquşub. Nəticədə VAZ-da olan Tovuz rayon sakini, 1960-cı il təvəllüdlü Əliyev Ülfət İbrahim oğlu hadisə yerində keçinib. Avtomobildə olan digər sərnişin, 1968-ci il təvəllüdlü Əsgərov İsmayıl Məhərrəm oğlu və sürücü Ə. Quliyev isə müxtəlif bədən xəsarətləri alaraq Ağcabədi Mərkəzi Rayon Xəstəxanasına çatdırılıblar. Ə. Quliyevin vəziyyəti ağırdır.
Faktla bağlı araşdırma aparılır.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
