Interposta.Info

Qəzada 108 nəfər öldü: ölkədə matəm elan edildi -

Ölkə
 19-05-2018, 09:41     10 473

Kubanın Havana limanından havaya qalxan “Cubana de Aviacion” şirkətinə məxsus Boyinq-737 sərnişin təyyarəsi qəzaya uğrayıb.

Axar.az xəbər verir ki, bu barədə “Telemundo” agentliyi məlumat yayıb.

Bildirilib ki, Havanadan Olqin şəhərinə gedən təyyarə havaya qalxdıqdan bir neçə dəqiqə sonra yerə çırpılıb.

Təyyarənin göyərtəsində 100-dən artıq sərnişinin olduğu deyilir.

Kuba Dövlət Şurasının lideri Miqel Dias Kanel təyyarə qəzasının baş verdiyi əraziyə gəlib.

Bildirilib ki, təyyarənin göyərtəsində 104 sərnişin olub. Onların taleyi barədə heç bir məlumat yoxdur.

Təyyarənin qəzaya uğradığı ərazidə tüstü qatı yüksəlir.

"Radio Rebelde"nin məlumatına görə, təyyarədə ekipajdan əlavə 107 sərnişin olub və onlar hamısı həlak olublar.

Qəzaya uğrayan təyyarənin göyərtəsindəki sərnişinlərin dəqiq sayı bilinmir, onların 104-107 nəfər arasında olduğu (ekipaj istisna olmaqla) qeyd edilir.

Dəhşətli qəzadan 4 nəfər sağ tapılıb. Ağır vəziyyətdə xəstəxanaya yerləşdirilən yaralılardan biri dünyasını dəyişib.

Digər üçünün vəziyyətinin kritik olduğu bildirilir.

Qəza şahidlərindən biri "Granma"ya açıqlamasında təyyarənin aeroporta qayıtmaq üçün geri dönərkən elektrik naqillərinə çırpıldığını bildirib.

Boinq”in göyərtəsində ekipaj da daxil olmaqla, 110 nəfər olub. Sağ qalan 4 nəfərdən biri xəstəxanaya aparılarkən, biri isə xəstəxanada vəfat edib.

Hazırda xəstəxanaya yerləşdirilən 2 qadının vəziyyətinin ağır olduğu bildirilir.

Təyyarənin "qara quru"su hələ tapılmayıb.

Kuba Dövlət Şurası təyyarə qəzası ilə bağlı 19 maydan başlayaraq, ikigünlük matəm elan edib.

interposta.info


Qəzada 108 nəfər öldü: ölkədə matəm elan edildi -
Qəzada 108 nəfər öldü: ölkədə matəm elan edildi -

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26