Dəniz Administrasiyasının rəisi Qüdrət Qurbanov Prezidentin xəbərdarlığına məhəl qoymadı
Azərbaycanda daha bir yüksək çinli məmur “Buta Palace”da öz övladına toy edib.
Dövlət Dəniz Administrasiyasının rəisi Qüdrət Qurbanov oğlu Orxan Qurbanovun toy mərasimini keçirib.
Administrasiya rəisi Daxili İşlər Nazirliyinin Baş Narkotiklərlə Mübarizə İdarəsinin rəisi, polis general-mayoru Həzi Aslanovla quda olub.
“Buta Palace”da baş tutan toy məclisində bir çox şou-biznes nümayəndələri də iştirak edib.
interposta.info xəbər verir ki, Realliq.info - nun əldə etdiyi məlumata görə Qüdrət Qurbanovun tapşırığı ilə toy məclisində iştirak edən qonaqlardan toydan çəkilən görüntülərin sosial şəbəkələrdə paylaşılmaması xüsusi xahiş edilib.
Buna səbəb məclisin dəbdəbəli keçirilməsi və yüksək çinli məmurların məclisdə iştirak etməsi olub. Digər bir səbəb isə Q.Qurbanov mətbuatın gündəminə gəlməkdən çəkinməsi olub.
Toyu tanınmış aparıcılar Emin Musəvi ilə Leyla Əliyeva aparıblar.
Qeyd edək ki, Dövlət Dəniz Administrasiyasının rəisi Qüdrət Qurbanovun adı mətbuatda daha çox dövlət büdcəsini talayan məmurlar siyahısında çəkilir.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
