Qızına 400 minlik toy edən qalmaqallı rəis işə çıxdı
Bir müddət əvvəl qızı Aysel Şükürovanın dəbdəbəli toyu və zəngin həyatı ilə gündəmə gələn Bakı Lift İdarəsinin rəisi Qüdrət Şükürov məzuniyyətdən qayıdıb.
Bu barədə GoldNews.Az-a Bakı Lift İdarəsindən məlumat verilib.
İdarə əməkdaşı Q.Şükürova cinayət işi açılması, həbs olunması ilə bağlı mediada yazılanların həqiqətə uyğun olmadığını qöyləyib.
“Qüdrət müəllim hazırda işinin başındadır”, deyə o bildirib.
Qeyd edək ki, qızının 400 min dollarlıq toyu ilə bir müddət gündəm olan rəis barədə müxtəlif məlumatlar yayıldı. Hətta Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tərəfindən “Bakılifttəmir” İstehsalat Birliyində maliyyə fırıldaqları və məmurların gəlir mənbələri, həmçinin “Bakı Lift”in baş direktoru Qüdrət Şükürovla bağlı araşdırmalara başlanıldığı iddia olunuru.
Həmin vaxt bildirildi ki, qızı Aysel Şükürovanın 400 min dollarlıq toyu, dəbdəbəli həyat tərzi ilə gündəmə gələn Qüdrət Şükürovla bağlı məsələnin dərhal araşdırılması və ölçü götürülməsi qərarı verilib. Hətta sözügedən toyla bağlı da ayrıca araşdırma aparıldığı, toyda iştirak edən şəxslər, bəylə-gəlinə mahnı həsr edənlərin dindirildiyi yazılırdı.
Amma rəsmi qurumlar bu məlumatları təsdiqləmədilər.
Bu gün Qüdrət Şükürovun işinin başında olması da yazılanların sadəcə iddia olduğunu təsdiqlədi...
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
