Nazirlik 300-dən çox müəssisəni ləğv etdi: yüzlərlə insan işsiz qalacaq (FOTOFAKT)
Təhsil Naziri Mikayıl Cabbarov nazirlik tabeliyində fəaliyyət göstərən məktəbdənkənar təhsil müəssisələrinin şəbəkəsinin rasionallaşdırılması barədə əmr imzalayıb.
interposta.info xəbər verir ki, "Qaynarinfo"nun əldə etdiyi məlumata görə, nazirin 233 saylı əmrinə əsasən 300-dən artıq məktəbdənkənar müəssisə ləğv olunub və onların birləşdirilməsi ilə 130-a yaxın yeni müəssisə yaradılıb. Birləşmə nəticəsində kütləvi ixtisarların aparılması gözlənilir. Bu gün bir sıra müəssisələrdə bununla bağlı iclas keçirilib və müəssisə rəhbərləri nazirin müvafiq əmrini işçilərin diqqətinə çatdırıb, onlara könüllü şəkildə işdən çıxmaları ilə bağlı ərizə yazdırıblar.
Ləğv olunan müəssisələrdən birindən saytımıza daxil olan məlumata görə, işçilərin bəziləri işdən çıxarılma haqqında ərizə yazmaq istəmədiklərini bildiriblər. Çünki yeni yaradılan müəssisədə bir sıra ştat yerlərinin ləğv olunması səbəbindən işsiz qalacaqlarını düşünürlər. Lakin müəssisə rəhbərləri onlara ərizə yazmayan şəxslərin xüsusi qərarla birdəfəlik işdən cıxarılması barədə nazirlikdən tapşırıq aldıqlarını bildirib.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
