Interposta.Info

Bakıda tuneldə iki yük maşını qəzaya uğrayıb, yol bağlanıb -

Ölkə
 20-07-2017, 07:26     571

Bakıda iki yük maşını qəzaya uğrayıb.
APA-nın məlumatına görə, hadisə Ziya Bünyadov küçəsindəki tuneldə baş verib.
Baku Steel Company MMC-yə məxsus olan və dəmirlə yüklü “KamAZ” markalı yük maşını tunellə hərəkətdə olarkən qarşıda hərəkət edən benzin daşıyan yük maşınına arxadan çırpılıb. Qəza nəticəsində “KamAZ” deformasiyaya uğrayıb, yedəyindəki qoşqu qopub.

Hadisə zamanı xəsarət alan olmasa da, deformasiyaya uğrayan “KamAz” yolun hərəkət hissəsini bağlayıb. Hadisə yerinə yol polisi əməkdaşları cəlb edilib. Onlar yolun “Qələbə” və “20 Yanvar” dairələrindən hava limanı istiqamətindəki hissəsində nəqliyyatın hərəkətini dayandırıblar. Nəticədə Alı Mustafayev və Rövşən Cəfərov küçələrində uzun tıxac yaranıb.

Qəzaya uğrayan yük maşını qaldırıcı kran vasitəsilə yolun hərəkət hissəsindən götürülüb. Bundan sonra tuneldə avtomobillərin hərəkəti bərpa edilib.

interposta.info bildirir ki, faktla bağlı araşdırma aparılır.

Bakıda tuneldə iki yük maşını qəzaya uğrayıb, yol bağlanıb -
Bakıda tuneldə iki yük maşını qəzaya uğrayıb, yol bağlanıb -
Bakıda tuneldə iki yük maşını qəzaya uğrayıb, yol bağlanıb -
Bakıda tuneldə iki yük maşını qəzaya uğrayıb, yol bağlanıb -
Bakıda tuneldə iki yük maşını qəzaya uğrayıb, yol bağlanıb -

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26