Hacı İbrahim həbsin astanasında
Tanınmış iş adamı Hacı İbrahim Nehrəmlinin durumu get-gedə gərginləşir
10may.az saytına daxil olan məlumata görə bir günlük həbsə salınmış Hacı İbrahimə o zaman vaxt verilmişdi ki, Beynəlxalq Bankdan götürdüyü kreditləri qaytarsın.
Qoyulan vaxt isə artıq başa çatmaq üzrədir. Amma biznesmen hələ də kreditləri qaytarmayıb. Bir neçə dəfə ölkəni tərk etməyə çalışan Hacı İbrahim buna nail ola bilməyib. Xəbərdə bu da bildirilir ki, biznesmen kreditin qarşılığında “Khazar Islands” (“Xəzər adaları”) şəhərciyindən imtina etməyə hazır olduğunu da təklif edib. Amma bu təklif qəbul olunmayıb və bildirilib ki, bu şəhərciyin perespektivinə inam yoxdur.
Buna görə də Hacı İbrahim Nehrəmli çıxılmaz duruma düşüb. Bildirilir ki, Hacı İbrahim krediti qaytarmaq üçün nəzarətində olan daşınan və daşınmaz əmlakı da satsa bu krediti sona qədər ödəyə bilməyəcək. Ona ayrılan zamanın başa çatmasına isə artıq bir neçə ay qalıb.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
