Interposta.Info

Ramil Usubovun

Ölkə
 22-02-2017, 07:26     649

Ramil Usubovun

Daxili işlər naziri Ramil Usubov Almaniyaya gedib

Ölkə.Az-a Azərbaycanın Almaniyadakı səfirliyindən daxil olan məlumata görə, nazir bu gün Berlin şəhərində 20-ci Avropa Polis Konqresinin açılış mərasimində iştirak edib.

İki gün davam edəcək konfrans çərçivəsində keçirilən panellərdə terrorçuluq, mütəşəkkil cinayətkarlıq, sərhəd təhlükəsizliyi, kriminalistika, polisin uğurlu fəaliyyəti üçün rəqəmsal platformalar, ictimai yerlərin müşahidəsi kimi məsələlər müzakirə olunacaq.

Qeyd edək ki, 20-ci Avropa Polis Konqresinin Almaniya Federativ Respublikasının Daxili işlər naziri Tomas de Mezyer və Avropa İttifaqının miqrasiya, daxili işlər və vətəndaşlıq məsələləri üzrə komissarı Dimitris Avramopulos tərəfindən edilmiş açılış mərasimində Daxili işlər naziri Ramil Usubov və Azərbaycanın Almaniyadakı fövqəladə və səlahiyyətli səfiri Ramin Həsənov iştirak ediblər.

Xatırladaq ki, Ramil Usubov Almaniyada olduğu üçün bu gün prezident İlham Əliyevin sədrliyi ilə keçirilən Təhlükəsizlik Şurasının iclasında iştirak edə bilməyib.

interposta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26