Borca görə intihara cəhd edən
Dünən 500 manat borca görə intihara cəhd etmiş 2 uşaq atası, 38 yaşlı Salyan şəhər sakini Kərimov Vasif Elmirəvan oğlu yerləşdirildiyi Salyan Rayon Mərkəzi Xəstəxanasında bu gün axşam saatlarında dünyasını dəyişib.
interposta.info bildirir ki, Virtualaz.org saytının Şirvan bürosu xatırladır ki, Salyan şəhəri, X.R.Ulutürk küçəsi, 51-də yaşayan Vasif Kərimov sirkə turşusu içərək özünü öldürməyə cəhd edib.
Salyan Mərkəzi Rayon Xəstəxanasına çatdırılan xəstənin vəziyyəti, həkimlərin bildirdiyinə görə, kritik olub. Belə ki, turşu V. Kərimovun daxili orqanlarını parçalayıbmış.
Xəstənin yaxınlarının saytımıza bildirdiyinə görə, hələlik Vasifin nə səbəbdən intihara cəhd etdiyi dəqiq bilinməsə də, o, xəstəxanaya gətirilərkən yolda 500 manat borcu olduğunu deyib. İki azyaşlı uşaq atası olan Vasif Kərimov ailəsini şadlıq evlərində ofisiantlıq edərək dolandırırmış.
Faktla bağlı hüquq-mühafizə orqanlarında araşdırma aparılır.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
