Səfir:
İndoneziyanın Azərbaycandakı səfiri Husnan Vananinin evində mərasim keçirilir.
Axar.az xəbər verir ki, mərasim millət vəkili Qənirə Paşayeva ilə İndoneziya səfirinin xanımının təşəbbüsü ilə baş tutub. Onlar Yeni ilin ilk günündə İndoneziya mətbəxinə aid özlərinin hazlrladıqları yeməkləri qonaqlara təqdim edirlər.
Tədbirdə çıxış edən Qənirə Paşayeva Azərbaycan və İndoneziya arasında qardaşlıq əlaqələrini vurğulayaraq bunu xatırladıb:
“Biz hörmətli səfirlə görüşərkən mən İndoneziya ilə dost xalq olduğumuzu dedim. Səfir isə bildirdi ki, Türkiyəyə münasibətdə “qardaş xalq” deyirsiniz, biz isə sizin üçüncü qardaş ölkənizik”.
Səfir isə çıxışında qonaqları öz evində qarşılamaqdan qürur duyduğunu bildirib və bunları qeyd edib:
“Hansısa beynəlxalq məsələdə Azərbaycan varsa, Türkiyə də var, Türkiyə varsa, Azərbaycan var və bilin ki, Azərbaycanın olduğu yerdə Türkiyə ilə bərabər, İndoneziya da var”.
Tədbirdə Ordumuzun zabiti Ramil Səfərov, ölkənin baş aşpazı Tahir Əmiraslanov, paralimpiya çempionu İlham Zəkiyev, əməkdar artist Aybəniz Haşımova, jurnalistlər, ictimaiyyət adamları iştirak edib.
Millət vəkili Qənirə Paşayeva Qarabağa aid təbiət tablosunu səfirə, həmçinin qonaqlara müəllifi olduğu kitabları və müxtəlif hədiyyələr təqdim edib.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
