Qayda pozmayan sürücülərə cərimə protokolları gəlib (VİDEO)
Yol hərəkəti qaydalarını pozmayan sürücüyə cərimə protokolu göndərilib.
Xezerxeber.az-ın məlumatına görə, hadisə Ağdam sakini Ramin Rasimoğlunun başına gəlib.
O bildirib ki, avtomobillərin dövlət qeydiyyat nişanları oxşar olduğundan cərimələrin ünvanı səhv salınıb.
Ramin Rasimoğlu qeyd edib ki, ona yazılan cərimələri bir dəfə ödəyib. Lakin sonradan cərimə yazılan avtomobilin ona məxsus olmadığını öyrənib.
Bənzər hadisə ilə Tovuz rayon sakini Ramin Hüseynov da qarşılaşıb. Bu hadisədə də aldadıcı məqam avtomobillərin dövlət nömrə nişanlarının oxşarlığı olub. Ancaq Ramin Hüseynov avtomobilin ona məxsus olmadığını dərhal anlayıb.
Məsələ ilə əlaqədar Baş Dövlət Yol Polisi İdarəsindən bildirilib ki, Ağdam sakininin müraciəti hazırda araşdırılır.
Tovuz rayon sakininin üzləşdiyi problem isə artıq həll edilib. Texniki səhv nəticəsində onun adına yazılan cərimə silinib.
Daha ətraflı süjetdə:
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
