ÜST yüngül və orta dərəcəli COVID-19-un müalicəsi üçün tövsiyələr verdi
Ümumdünya Səhiyyə Təşkilatı (ÜST) nirmatrelvir və ritonavir dərmanlarını ağır xəstəliyin inkişaf riski yüksək olan xəstələrdə yüngül və orta dərəcədə koronavirusun müalicəsi üçün tövsiyə edib.
Trend-in məlumatına görə, bu barədə Ümumdünya Səhiyyə Təşkilatı xəbər verib.
Qeyd olunub ki, bu tövsiyə 3000-dən çox xəstə ilə aparılan iki tibbi araşdırmaya əsaslanıb:
"ÜST xəstəxanaya yerləşdirmə riski yüksək olan yüngül və orta dərəcəli COVID-19 xəstələri üçün "Paxlovid" adı altında satılan nirmatrelvir və ritonaviri şiddətlə tövsiyə edib". Təşkilatdan bildiriblər ki, bu dərman ağır xəstəliyin inkişaf riski yüksək olan xəstələr, o cümlədən peyvənd olunmayanlar, həmçinin yaşlı insanlar və immuniteti zəif olanlar üçün "hazırda ən yaxşı terapiya seçimidir".
Tədqiqatlar göstərib ki, bu dərmanı qəbul etmək xəstəxanaya yerləşdirmə riskini 85% azaldır. Bununla belə, ÜST "aşağı riskli" xəstələrdə nirmatrelvir və ritonavir qəbul etməməyi tövsiyə edir, çünki tədqiqatlar bu halda bu dərmanın faydasının "cüzi" olduğunu göstərib.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
