Uzun mübarizədən sonra Dərbənd şəhərindəki Nizami Gəncəvi adına park göz oxşayır-FOTOLAR

interposta.info/“Şimal xəbərləri” qəzeti RF-nin Dağıstan Respublikasının başçısı Ramazan Abdulatipova minnətdarıq

Uzun illər RF-nin Dağıstan Respublikasının Dərbənd şəhərində böyük şairimiz N. Gəncəvinin adını daşıyan park və onun heykəli qızğın müzakirə obyekti olub.
interposta.info onuda bildirir ki, “Şimal xəbərləri” də bir neçə dəfə bu məsələyə ciddi reaksiya verib. Dərbənd Azərbaycanlıları Milli-Mədəni Muxtariyyatının rəhbəri Telman Tahirli də parkın təmir olunması üçün ciddi səylər göstərib. İyunun 19-da Dağıstan respublikasının başçısı Ramazan Abdulatipov Dərbənd şəhərinə səfər edərkən həmkarımız bu məsələni onun qarşısında qaldırıb. Dağıstan rəhbəri birbaşa parka gedərək buranın qısa müddət ərzində təmir olunması barədə şəhər rəhbərliyinə və əlaqədar təşkilatlara göstəriş verib.

İndi hər şey dəyişib. Biz parkın köhnə və indiki vəziyyətini əks etdirən fotoları sizlərə təqdim edirik. İnsan sevinməyə bilmir. Axı dahi şairimizin heykəli və adını daşıyan park hamımızın bir millət olaraq qürur mənbəyidir. Bu haqda uzun-uzadı yazmaq istəmirik. Sadəcə bu problemi ictimaiyyətə çatdıran və həllinə yardımçı olan bütün saytlara , həmkarlarımıza, bəzi Azərbaycan ziyalılarına dərin təşəkkürümüzü bildiririk. Azərbaycan rəsmiləri də bu mədəniyyət ocağının indiki vəziyyətə gətirilməsi üçün xeyli səy göstəriblər. Ən əsası isə, RF-nin Dağıstan Respublikasının başçısı Ramazan Abdulatipova minnətdarıq. Sonda məhz onun müdaxiləsi nəticəsində dahi şairimiz N. Gəncəvinin adını daşıyan park yenidən ən müasir görkəmdə soydaşlarımıza təhvil verildi.

interposta.info