FETÖ-nün Azərbaycan üzrə imamı həbs olundu: Onun adı...
Türkiyənin Malatya şəhərinin prokurorluğu tərəfindən axtarışa verilmiş FETÖ terror təşkilatının Azərbaycan üzrə səlahiyyətli nümayəndəsi həbs edilib.
XeberBiz lent.az-a istinadən istinadən xəbər verir ki, M.M. adlı şəxs İstanbulda tutulduqdan sonra Malatyaya gətirilib və məhkəmə qərarı ilə onun barəsində həbs-qətimkan tədbiri seçilib.
Bildirilir ki, həmin şəxs terror təşkilatının xüsusi yazışma proqramı olan “Bylock” istifadəçisi olub və qruplaşmanın gizli xəbərləşmələrində mühüm rol oynayıb.
"Yeniçağ"-ın iddiasına görə, mediada sadəcə M.M kimi təqdim edilən şəxs “Konak” və “Şahzadə” restoranlarının sahibi Muharrem Menekşedir.
“Terrorun Gülən üzü” adlı kitabında araşdırmaçı-yazar Aqil Ələsgər də Muharrem Menekşenin adını bir neçə dəfə qeyd etmişdi.
Qeyd edək ki, Malatyada FETÖ ilə bağlı ümumilikdə 12 nəfər saxlanılıb ki, onların əksəriyyəti “Bylock” istifadəçisi olub. Təşkilatın özünü Azərbaycan nümayəndəsi adlandıran üzvünün hansı funksiyaları yerinə yetirdiyi bəlli olmasa da, onun bu vəzifənin saxta icraçısı olduğu qeyd edilir.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
