Interposta.Info

Gürcüstanla Ermənistan arasında “İqla” mübahisəsi -

Müxtəlif
 24-03-2017, 07:28     665

Gürcüstanın Daxili İşlər Nazirliyi Ermənistanın 3 vətəndaşının Ermənistanın keçid-buraxılış məntəqəsindən “İqla” (“İynə”) zenit-raket kompleksinin keçirilməsi məsələsi ilə bağlı məlumatı diqqətdə saxlayır.

Bununla bağlı nazir Georgiy Mqebrişvili açıqlama verib. Ancaq gürcü nazir erməni rəsmilərinin iddialarının təsdiqləməyib.

“Hələlik “İqla” zenit-raket kompleksinin tranzit ölkə kimi Gürcüstandan Ermənistana keçirildiyini təsdiqləmək olmaz. Araşdırmalar gedir, detallar öyrənilir. Biz erməni həmkarlarımızla əlaqədəyik və araşdırmaların gedişi ilə bağlı ictimaiyyəti məlumatlandıracağıq”-nazir jurnalistlərə deyib.

Ermənistan rəsmilərinin iddialarına rəğmən gürcü nazir silah qaçaqmalçılığı prosesində Gürcüstanın iştirakı ilə bağlı ortada dəlillərin olmadığını deyib. “Silahın Gürcüstan vasitəsilə Ermənistana keçirildiyini dəqiq demək çətindir. Onlar belə deyə bilər, ancaq biz araşdırmaları davam etdiririk”,-nazir əlavə edib.

Qeyd edək ki, Ermənistanın milli təhlükəsizlik xidməti 22 martda “İqla” zenit-raket kompleksinin Gürcüstandan keçirilərkən aşkarlandığını, 2 nəfərin hadisə yerində saxlandığını, sifarişçi Qarabağ separatçılarının sabiq “müdafiə naziri” Samvel Babayanın isə bir neçə saat sonra həbs edildiyini açıqlayıb./musava.com

interposta.info
Gürcüstanla Ermənistan arasında “İqla” mübahisəsi -
Georgiy Mqebrişvili

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26