Interposta.Info

Azərbaycanlı aktrisa vəfat etdi (FOTO)

 

Mədəniyyət
 15-02-2022, 09:12     576

Füzuli Dövlət Dram Teatrının qocaman aktrisası Məryəm Məmmədova vəfat edib.

"İnterPosta" xəbər verir ki, aktrisa uzun müddətdir ki, ağır xəstəlikdən əziyyət çəkirdi.

Qeyd edək ki, Məmmədova Məryəm Eyvaz qızı 1949-cu il iyulun 01-də Füzuli rayonunda anadan olub. İşlədiyi müddətdə Anar "Təhminə və Zaur”da Təhminə, C.Cabbarlı "Almaz”da Xanımnaz, Ə.Haqverdiyev "Dağılan tifaq”da Nazlı, M.Qacar "Qabanın səfəri”ndə Toyuq, A.Məmmədov "Həmyerlilər”də Xanım, C.Məmmədov "Sevməyə vətən yaxşı”da Nurcahan nənə, A.Səfərli "Qarabağım qan ağlar”da Sona və s. digər obrazları yaradıb.

Həmçinin Mədəniyyət Nazirliyi tərəfindən "Fəxri Mədəniyyət işçisi” döş nişanı ilə təltif olunub. 2019-cu ildə yaş həddi ilə əlaqədar təqaüdə göndərilib.

Füzuli Dövlət Dram Teatrının kollektivi mərhumun ölümündən kədərləndiyini bildirib və ailəsinə səbr diləyib.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26