Interposta.Info

“Oskar”ın builki namizədləri açıqlandı

Mədəniyyət
 8-02-2022, 22:54     266

"Oskar” mükafatının builki namizədləri açıqlanıb. Namizədlərin siyahısı Amerika kinoakademiyasının saytında açıqlanıb.

"İlin ən yaxşı filmi” nominasiyası uğrunda 10 film mübarizə aparacaq: "Dune”, "Belfast”, "Don't Look Up”, "West Side Story”, "Coda”, "Power of the Dog”, "Licorice Pizza”, "Nightmare Alley”, "King Richard” və yapon filmi "Drive My Car”.

"Ən yaxşı rejissor” adı uğrunda Kennet Brana, Ryusuke Hamaquti, Pol Tomas Anderson, Ceyn Kempion və Stiven Spilberq mübarizə aparacaqlar.

"Ən yaxşı aktrisa” adına Nikol Kidman, Oliviya Kolman, Penelopa Krus, Cessika Çesteyn və Kristen Stüart iddalıdır.

"İkinci planda ən yaxşı aktrisa” nominasiyası uğrunda Ariana DeBos, Kristen Danst, Oncanyu Ellis, Cessi Bakli və Cudi Denç mübarizə aparacaq.

"Ən yaxşı aktyor” nominasiyasına Havyer Bardem, Benedikt Kamberbetç, Endryu Qarfild, Uill Smit və Denzel Vaşinqton namizəd göstəriliblər.

"İkinci planda ən yaxşı aktyor” mükafatına isə Kiaran Haynds, Troy Kotsur, Cessi Plemons, Conatan Kimbl Simmons və Kodi Smit-Makfi iddialıdır.

"Xarici dildə ən yaxşı film” mükafatına "Drive My Car”, "Flee”, "The Hand of God”, "Lunana: A Yak in the Classroom”, "The Worst Person in the World” namizəd göstərilib.

"Tammetrajlı animasiya filmi” kateqoriyasına "Luka”, "Flee” və "Encanto”, "The Mitchells vs. the Machines”, "Raya and the Last Dragon” filmləri daxildir.

Qeyd edək ki, 94-cü mükafatlandırma mərasimi martın 27-də Los-Ancelesdə keçiriləcək.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26