Ruhəngiz Musəvi: “Məni gəmidə “Miss Azərbaycan” seçdilər” - VİDEO
“Bağda darıxıram. Qardaşımın “Albalılıq” deyilən ərazidə bağ evi var. Bir neçə gün orada qaldım, amma çox darıxdım. Heç bağ evimin olmasını da istəmirəm. Mənə Bakıdakı evim rahatdır. Bağa gedərəm, amma bir şərtlə, axşam qayıdım evimə”.
Bizim.Media xəbər verir ki, bu sözləri Əməkdar artist Ruhəngiz Musəvi qonaq olduğu verilişlərdən birində deyib.
Dənizi sevmədiyini söyləyən sənətçi bildirib ki, gənc yaşlarında o, gəmi vasitəsi ilə Avropanın bir sıra ölkələrinə səfər edib:
“Mən dənizi də sevmirəm. İllərdir ki, dənizə getmirəm. Üzməyi də bacarmıram. Həyat yoldaşımla Türkiyəyə getmişik. Bəlkə də, getmədiyim xarici ölkə yoxdur. Cavanlığımda, subay vaxtımda dünyanı gəzmişəm. İllər əvvəl “Azərbaycan” adlı gəmi vardı. 1973-cü ildə Almaniyaya, gənclərin ümumdünya festivalına getmişəm.
1976-cı ildə beş ay o gəmi ilə həmkarım Eldar Axundovla kruizə çıxmışam. Orada da məni “Miss Azərbaycan” seçiblər. O kruizlə Yunanıstana, İtaliyaya, İspaniyaya, Afrika ölkələrinə getmişəm. Ölməz və dahi sənətkar Rəşid Behbudovla Macarıstana getmişəm”.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
