Azərbaycanı “Eurovison”da bu 3 nəfərdən biri təmsil edəcək (VİDEO)
Bir neçə həftə sonra İctimai Televiziya "Eurovision- 2019” mahnı müsabiqəsində Azərbaycan təmsilçisini ictimaiyyətə təqdim edəcək.
"Qafqazinfo”nun əldə etdiyi məlumata görə, kanal onlarla namizəd arasında üç nəfər müəyyənləşdirib və seçim aparır.
Sözügedən şəxslərdən biri "Səs Azərbaycan müsabiqəsinin finalisti olan Samirə Əfəndidir. O, yarışmada iştirak edəcək favori namizəddir. Lakin Azərbaycan ard-arda xanım iştirakçıları "Eurovision”a göndərdiyi üçün bu dəfə əsas diqqət bəylərin üzərindədir.
İkinci namizəd isə "Səs Azərbaycan” proqramı ilə populyarlaşan, MTV –də yayımlanan "3 canlı” proqramının aparıcısı Tofiq Hacıyevdir.
Üçüncü ifaçı Fransanın TF1 telekanalında yayımlanan "The Voice 5” müsabiqəsinin iştirakçısı olmuş azərbaycanlı müğənni Araz Hümbətlidir.
İTV hələ üç iştirakçı arasında seçim aparır, qapalı keçirilən milli seçim turunun qalibini müəyyənləşdirməkdə çətinlik çəkir.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
