Bakı sakinləri 4 ayda 8 milyarda yaxın pul xərcləyib
2022-ci ilin yanvar-aprel aylarında ticarət dövriyyəsinin həcmi 2021-ci ilin yanvar-aprel ayları ilə müqayisədə 5,4 faiz artaraq 7961,7 milyon manat olub.
Bakı Şəhər Statistika İdarəsindən "İnterPosta"-ya verilən məlumata görə, ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin müvafiq dövrü ilə müqayisədə 2,1 faiz artaraq 4252,0 milyon manata çatıb.
Qeyri-ərzaq məhsullarının həcmi isə 9,7 faiz artaraq 3709,7 milyon manata bərabər olub. İstehlak məhsullarının 37,7 faizi hüquqi şəxs statuslu müəssisələrdə, 35,4 faizi fərdi sahibkarlara məxsus ticarət obyektlərində, 26,9 faizi isə paytaxtın məhsul bazarlarında satılıb.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
