“Mançester Yunayted” Avrokuboklarda unikal nailiyyət əldə edib
“Mançester Yunayted” Avropanın əsas matçının 120-ci dəqiqəsində iki qol vuran ilk komanda olub.
"İnterPosta" xəbər verir ki, bu barədə "OptaJoe" “X” sosial şəbəkəsində məlumat yayıb.
Avropa Liqasının 1/4 final mərhələsinin cavab oyununda “Mançester Yunayted” “Lion”u 5:4 hesabı ilə məğlub edib. İngiltərə klubu 120-ci dəqiqədə iki qol vurub: Kobbi Maynu və Harri Maquayr fərqlənib.
İlk görüş 2:2 hesabı ilə başa çatıb. Beləliklə, iki oyunun nəticəsinə əsasən, “Mançester Yunayted” “Atletik”lə qarşılaşacağı turnirin yarımfinalına yüksəlib.
2025-ci ildə Avropa Liqasının finalı İspaniyanın "Atletik" klubunun ev stadionu San Mamesdə keçiriləcək. Turnirin hazırkı qalibi İtaliyanın “Atalanta” komandasıdır.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
