Interposta.Info

Fatih Terim “Qalatasaray”la Super Liqada 400-cü oyununa çıxdı

İdman
 11-05-2021, 23:25     572

Türkiyə Super Liqasının 41-ci turunda "Dənizlispor”la səfər oyunu "Qalatasaray”ın baş məşqçisi Fatih Terim üçün əlamətdar olub.

Apasport.az saytının məlumatına görə, "cim-bom” 67 yaşlı mütəxəssisin rəhbərliyi altında ölkə çempionatında 400-cü matçına çıxıb.

Terim 1996-cı ildən 4 müxtəlif dönəmdə "sarı-qırmızılılar”ın sükanı arxasına keçib. Komanda onun rəhbərliyi altında keçirdiyi 399 görüşün 251-də qələbə qazanıb, 91-də heç-heçə edib, 57 məğlubiyyət alıb. Bu oyunlarda 831 qol vuran İstanbul təmsilçisi özü 374 dəfə mərkəzə dəvət olunub.

Fatih Terim "Qalatasaray”a 8 dəfə Super Liqa çempionluğunu, 3 dəfə Türkiyə kubokunu, 3 dəfə Türkiyə Superkubokunu, 1 dəfə də UEFA Kubokunu qazandırıb.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26