Şahmat üzrə Azərbaycan milli komandası Avropa çempionu olub
Şahmat üzrə kişilərdən ibarət Azərbaycan milli komandası tarixində 3-cü dəfə Avropa çempionu olub.
"Report"un məlumatına görə, bu nailiyyət Yunanıstanın Krit adalarında az əvvəl başa çatan nüfuzlu yarışda əldə olunub.
Sonuncu turda Azərbaycan yığması Ukrayna ilə 2:2 hesablı heç-heçə edib. Rusiya isə Almaniyaya qalib gəlib - 3:1. Nəticədə Rusiya da 14 xalla ilk pilləyə şərik çıxıb. Lakin əlavə göstəricilərdə Azərbaycan komandası daha üstün olduğu üçün qitə çempionu elan olunub. İkinci yeri Rusiya,
3-cü yeri isə Ukrayna tutub.
Avropa çempionatı, IX tur
16:00. Azərbaycan - Ukrayna - 2:2
Şəhriyar Məmmədyarov - Pavel Elyanov - 0,5:0,5
Yuri Krivoruçko - Teymur Rəcəbov - 0,5:0,5
Arkadi Naydiç - Ruslan Ponomaryov - 0,5:0,5
Yuri Kuzubov - Rauf Məmmədov - 0,5:0,5
Qeyd edək ki, Azərbaycan yığması daha əvvəl 2009 və 2013-cü illərdə Avropa çempionu olub.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
