Interposta.Info

"Neftçi" Azərbaycan Premyer Liqasında

İdman
 6-03-2017, 07:26     1 015

"Neftçi" Azərbaycan Premyer Liqasında

Futbol üzrə Azərbaycan Premyer Liqasında XXI tura yekun vurulub.

"Report"un məlumatına görə, turun son oyununda "Neftçi" və "Zirə" komandaları üz-üzə gəlib.

"Bakcell Arena"da keçirilmiş qarşılaşma qonaqların qələbəsi ilə yekunlaşıb - 2:1. Hərçənd, hesabı "Neftçi" açıb. 60-cı dəqiqədə Daniel Seqovia penaltini dəqiq yerinə yetirib. Lakin cəmi 2 dəqiqə sonra Georgi Navalovski "Zirə"nin futbolçusu Təmkin Xəlilzadənin uzun reydindən sonra ötürməsini öz qapısına göndərib. Oyunda son nöqtəni isə 79-cu dəqiqədə uzaq məsafədən dəqiq zərbə ilə Milan Duriç qoyub.

Bu qələbədən sonra xallarını 29-a çatdıran "Zirə" 4-cü pillədə möhkəmlənib. "Neftçi" isə 20 xalla 6-cı pillədə qalıb.
Qeyd edək ki, turun digər görüşlərində "Qarabağ" səfərdə "Sumqayıt"a 4:0, "Qəbələ" "İnter"ə 2:0 hesabı ilə qalib gəlib. "Kəpəz" - AZAL matçı isə 1:1 hesablı heç-heçə ilə yekunlaşıb.

Hazırda turnir cədvəlinə 46 xala malik "Qəbələ" başçılıq edir. "Qarabağ" 45 xalla 2-ci, "İnter" 36 xalla 3-cü pillədə qərarlaşıb.

interposta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26