“Şahramanyan sentyabrda Azərbaycan DTX ilə əlaqə saxlayıb” - Ermənistan mediası
Qarabağ separatçılarının sonuncu "rəhbəri” Samvel Şahramanyan sentyabrın 19-da lokal antiterror tədbirləri zamanı atəşkəs üçün Azərbaycan Dövlət Təhlükəsizliyi Xidməti ilə əlaqə saxlayıb.
Bildirilir ki, Şahramanyan Azərbaycan tərəfini separatçı rejimin sabiq "müdafiə naziri” Samvel Babayan və Təhlükəsizlik Şurasının sabiq "katibi” Vitali Balasanyanla danışıqlara dəvət edib.
Rəsmi Bakı bu variantları rədd edərək, Qarabağdakı separatçı rejimin ləğvini israrla tələb edib.
Qeyd edək ki, antitteror tədbirlərindən sonra separatçılar təslim olub. Bundan sonra Azərbaycanın Qarabağ bölgəsindəki qondarma qurum özünü buraxdığını elan edib.
Xatırladaq ki, Azərbaycanın hüquq-mühafizə orqanları Qarabağda qondarma qurumun "prezidentləri” olmuş Arkadi Qukasyan, Bako Saakyan, Araik Arutyunyan, eləcə də "parlament sədri” David İşxanyan, generallar Lyova Mnatsakanyan, David Manukyan və keçmiş "dövlət naziri” Ruben Vardanyanı həbs edərək Bakıya gətirib.
İnterPosta.info xəbər verir ki, APA məlumatı Ermənistanın "Joğovurd” nəşrinə istinadən yayıb.
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
