Interposta.Info

İranda həbs edilən Fəridə hökm oxundu

Gündəm
 18-08-2023, 17:10     474

İranda casusluq ittihamı ilə həbs olunan Fərid Səfərlinin məhkəmə araşdırması başa çatıb.

Bu barədə "Qafqazinfo”ya onun anası Dilarə Əsgərova məlumat verib.

D.Əliyeva bildirib ki, Fərid Səfərliyə 2 il həbs cəzası verilib.

Məhkəmədə F.Səfərlinin iştirakı təmin edilməyib. Hökm çıxarılması barədə ona və vəkilinə sonradan məlumat verilib.

Qeyd edək ki, Almaniyanın Yena Universitetinin tələbəsi Fərid Səfərli fevralın 20-də eyni universitetdə təcrübə keçmiş həkim sevgilisini görmək üçün Tehran şəhərinə gedib. O, martın 5-də Almaniyaya qayıtmalı olsa da, geri qayıtmayıb. Sonradan onun casusluq ittihamı ilə həbs olunduğu məlum olub. O, istintaq və məhkəmə dövründə verilmiş ittihamlarla əlaqəsiz olduğunu deyib.

19 iyul tarixində keçirilmiş məhkəmə iclası zamanı Fərid Səfərliyə qarşı irəli sürülmüş "casusluq” ittihamı "casusluq etmək niyyəti” ittihamı ilə əvəz olunub.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26