FHN-in Türkiyədəki hospitallarına zəlzələdən zərərçəkmiş 1700-ə yaxın şəxs müraciət edib
"Azərbaycan Fövqəladə Hallar Nazirliyinin Türkiyənin Kahramanmaraş şəhərində fəaliyyət göstərən mobil səhra hospitallarına indiyədək zəlzələdən zərərçəkmiş 1700-ə yaxın şəxs müraciət edib".
Bunu "Report"un Türkiyəyə ezam olunan əməkdaşına açıqlamasında nazirliyin Tibb Mərkəzinin poliklinika şöbəsinin terapevti tibb xidməti kapitanı Qurban Eyvazov deyib.
O bildirib ki, müracət edənlər müayinə və müalicə olunublar, onlara ilkin yardım göstərilib və təyinatlar verilib:
"Hazırda da hospitallara müraciət edənlər davam edir".
Qeyd edək ki, fevralın 9-dan etibarən Türkiyənin zəlzələ bölgəsində, Kahramanmaraş şəhərində Fövqəladə Hallar Nazirliyinin ilk mobil səhra hospitalı fəaliyyət göstərir.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26