Interposta.Info

Hafiz Məmmədovun məşhur hoteli acınacaqlı durumda - FOTO

Gündəm
 1-11-2022, 10:27     111

Bir vaxtlar Bakının ən öndə gedən hotellərindən olan “Ramada Shamdan” indi baxımsızlıqdan bərbad hala düşüb.

“Qafqazinfo”nun əməkdaşı sözügedən hotelin son halını əks etdirən fotoları lentə alıb.

Hazırda toz içində olan hotelin üst mərtəbələrindəki pəncərələri də qırılıb. Bu isə bu il martın 11-də “Ramada Shamdan”da baş verən yanğınla əlaqələndirilir. Ancaq hotelin yanğın olmayan hissəsində də bəzi qırılmış pəncərələr var ki, onların da yeri taxta materiallarla örtülüb.

Məsələ burasındadır ki, hotel yanğın baş verməzdən uzun müddət öncə fəaliyyətini dayandırıb. Bu isə “Ramada Shamdan”ın sahibi Hafiz Məmmədovun müflisləşməsi ilə əlaqələndirilir. Hotelin qanuni təmsilçisi isə Hafiz Məmmədovun oğlu Kənan Məmmədovdur. “Ramada Shamdan”ın hazırda 64 045,23 manat vergi borcu var.

Qeyd edək ki, “Ramada Shamdan” “Milyonerlər məhəlləsi” kimi tanınan Məmməd Araz küçəsində yerləşir. Vaxtilə Hafiz Məmmədov Bakıya gələn İspaniyanın “Atletiko” (Madrid) klubunu da məhz bu hoteldə qəbul etmişdi.

İnterPosta.info






Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26