Interposta.Info

Qazaxın 7 kəndi Azərbaycana nə vaxt qaytarılacaq? - Ermənistan mətbuatı

Gündəm
 15-12-2021, 17:13     118

Ermənistanla Azərbaycan arasında gözlənilən demarkasiya və demarkasiya işləri nəticəsində Tavuşda yeni yolları tikiləcək.

Qaynarinfo xəbər verir ki, bu barədə Ermənistanda nəşr olunan "Fakt” qəzeti məlumat yayıb.

Məlumatda deyilir ki, İrəvan hakimiyyəti Ermənistan-Gürcüstan dövlətlərarası avtomobil yolunun Tavuş vilayətinin sərhədyanı Voskepar şəhərinə gedən, eləcə də Qazaxın Yuxarı Əskipara kəndinin yaxınlığından keçən bir neçə hissəsində alternativ yollar çəkməyə hazırlaşır. Yeni yol bir neçə kəndi Bağanis Ayrımla birləşdirəcək: "Google xəritəsinə əsasən M-16 şossesi Azərbaycanla sərhədi bir neçə hissədə kəsir. Ermənistan hakimiyyəti Google xəritəsi ilə sərhədi çəkdiyindən 12 kilometrlik yeni yolun tikintisi ilə bağlı ilkin qərar verib. Xəritəyə əsasən, magistral Azərbaycanla yeni güman edilən sərhəddi təxminən üç hissədə kəsəcək. Onlardan biri də Tsaghkavan-Kirants yoludur ki, meşələrin arasından keçən yeni yoldan yan keçmək üçün 5-6 km uzunluğunda yol çəkilməlidir”.

Qəzet yazır ki, Kirants kəndindən Voskepara gedən yolun bir hissəsi sərhəddə düşür. Ona görə də, həmin hissəyə alternativ olacaq yeni yol çəkiləcək: "Məlum olub ki, yolun ikinci hissəsi Kirants-Voskepardır və onun uzunluğu ilkin məlumata görə, 3 km olacaq. Üçüncü yol isə Voskepar-Bağanis Ayrım yoludur. Yeni yol Voskepardan yan keçməyəcək. Əvəzində təhlükəli zonalardan yan keçmək üçün vaxtilə kəndin ərazisindən keçən yol təmir olunacaq. Təmir olunan bu yol kəndi Bağanis Ayrımla birləşdirəcək və uzunluğu da 3 km-ə yaxın olacaq”.

Yazıda qeyd edilir ki, hazırda dəqiq təsdiq olunmuş layihə və hökumət qərarı olmasa da, artıq podratçı axtarışındadırlar: "İlkin müzakirələrə görə, yeni alternativ yolun tikintisinə Tsağkavandan başlanacaq və Kirantsdan keçərək, Voskepardan Bağanis Ayrıma uzanacaq. Voskepar müəyyən ərazi güzəştləri ilə sərhəd kəndi kimi qalacaq. Xəritəyə inansaq, əsas magistralın Voskepar yaxınlığından keçən hissəsi tamamilə Azərbaycana keçəcək”.

Məlumata görə, hələ avqust ayından Tavuş vilayətinin Voskepar sərhəd icmasına rus hərbçiləri yerləşdirilib: "Məlumata görə, sülhməramlıların dayandığı yol Ermənistan-Azərbaycan sərhədi sayılacaq”.

Qəzet onu da bildirib ki, yeni yolların çəkilməsinə 2022-ci ildən başlanılacaq. Bundan başqa, həmin istiqamətdə İcevan-Noyanberyan magistralı da keçir ki, bu yolun Voskepardan keçən hissəsindən istifadə olunmayacaq.

Yeni yolun çəkilməsindən sonra Qazaxın 7 kəndi avtomatik olaraq Azərbaycanın nəzarətində qalacaq. Əslində məqsəd də elə budur. İrəvan Qafan-Gorus yolunda yaşanan problemin təkrarlanmaması üçün 7 kəndin qaytarılmasını daha məqsədəuyğun sayıb. Bu baxımdan, həmin kəndlərin xaricində yeni yol çəkilişi planlaşdırılıb.

Erməni nəşri məlumatı dəqiqləşdirmək üçün Voskepar şəhərinin meri Serob Maqsudyanla əlaqə saxlayıb. Maqsudyan deyib ki, yolun tikintisi ilə bağlı məlumatlıdır: "Lakin hazırda heç bir iş aparılmır”.

Tavuş vilayətinin qubernatoru Hayk Qaluman isə məlumatı təkzib etməyib. Amma bu barədə məlumata malik olmadığını deyib.

Azərbaycan və Ermənistan arasında sərhədlərin delmitasiya və demarkasiyası ilə bağlı İşçi Qrupunun yaradılması barədə razılıq əldə olunub. Sərhədlərin müəyyən edilməsi prosesinə gələn ildən başlanacağı gözlənilir.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26