Mingəçevirdə görülməmiş vəhşilik
Mingəçevir su anbarında tonlarla balıq məhv edilib.
Bu barədə Qaynarinfo-ya şəhər sakini Tərlan Hüseynli məlumat verib.
Onun sözlərinə görə, Mingəçevirdə bir qrup şəxs "karobka" adlandırılan tordan istifadə etməklə brakonyerliklə (balıqtutma qaydalarını və ətraf aləmin mühafizəsi haqqında digər tələbləri pozmaqla heyvanların ovlanması) məşğul olurlar:
"Balıqlar həmin torlara girir və çıxa bilmirlər. Qanunu pozanlardan biri həmin "karobkanı 2 həftədən çox suda saxlayıb. Balıqlar kürü tökmə mövsümündə olduqlarından çoxaldıqdan sonra tordan çıxa bilməyiblər və beləliklə, tonlarla balıq məhv olub. Toru quraşdıran şəxs isə ölmüş balıqları hövzəyə tökərək, ərazidən uzaqlaşıb".
Tural Hüseynli hadisənin görüntülərini də çəkib. Həmin videonu sizlərə təqdim edirik:
Qeyd edək ki, qanunvericilikdə Brakonyerliyə görə məsuliyyət (inzibati, cinayət və mülki) nəzərdə tutulur.
Mövzu ilə bağlı Ekologiya və Təbii Sərvətlər Nazirliyinin mətbuat katibi İradə İbrahimova Qaynarinfo-ya verdiyi açıqlamasında sosial şəbəkələrdə yayılan bu video ilə tanış olduqlarını bildirib: "Məsələ ilə bağlı artıq araşdırmalara başlanılıb. Araşdırmaların nəticəsi barədə də ictimaiyyətə məlumat veriləcək".
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
