Gürcüstanda həbsdə olan Azərbaycan vətəndaşlarının sayı açıqlanıb
Gürcüstan həbsxanalarında 100 Azərbaycan vətəndaşı saxlanılır.
APA-nın Tbilisi müxbiri xəbər verir ki, bu barədə Gürcüstanın Milli Statistika İdarəsinin cari ilin avqust ayı üzrə hesabatında bildirilib. Qeyd olunub ki, həbsdə olan Azərbaycan vətəndaşlarından 13-ü qadın, 87-si isə kişidir.
Həbsdə olan Azərbaycan vətəndaşlarından biri həddi buluğa çatmayan oğlandır. Məlumata görə, həbsdə olan Azərbaycan vətəndaşlarından 17-nə qarşı ittiham irəli sürülüb, 83-ü barəsində isə hökm oxunub.
Gürcüstanda probasiya nəzarətində saxlanılan Azərbaycan vətəndaşlarının sayı isə 49 nəfər təşkil edib. Onlardan 22-si Tbilisidə, 12-si Kvemo-Kartlidə (Borçalı), 3-ü Kaxeti, 11-i isə Acarıstan-Quriya, biri isə Sameqrelo-Zemo Svaneti bölgəsindədir.
Gürcüstan həbsxanalarında hazırda 41 İran, 31 Ermənistan, 120 Rusiya, 213 Türkiyə və 47 Ukrayna vətəndaşı olmaqla ümumilikdə 761 əcnəbi saxlanılır.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
